Bara: Kam 25 vite taksist, sot stresin ma ka shtuar trafiku

Taksisti Xhevit Bara tha në një intervistë për “Good morning Albanians” në Euronews Albania se ka 25 vite në këtë profesion dhe qëndron në shërbim të qytetarëve 10 deri në 12 orë në ditë.

Ai u shpreh se me shtimin e popullsisë dhe makinave, puna e tij sa vjen e bëhet më stresuese.

“250 mijë kishte Tirana pa pasur as çerekun e këtyre makinave. Sot jemi nja 1 milion e ca njerëz, por kemi po këto rrugë, po edhe këto rrugë i kemi ngushtuar pak. Tani stresohem maksimalisht. Nëse nga sheshi “Skëndërbej” deri të spitalet shkoje për 15 minuta, sot shkon për 35 minuta,” – tregoi Bara.

Për të tretin vit radhazi personeli ushtarak i regjistruar, zjarrfikësi, piloti i linjës ajrore dhe oficeri i policisë janë katër profesionet më stresuese, sipas raportit vjetor të punëve më stresuese të “CareerCast”.

LEXONI GJITHASHTU:

• Taksisti: Policët punojnë si taksistë, i gjen 24 orë nëpër Tiranë
• Zjarrfikësi: Dikur as nuk na hapnin rrugën, tani janë ndërgjegjësuar