Ashensori i shkatërruar, pamje nga shpërthimi në banesën e armiqëve të Vis Martinaj

Euronews Albania ka siguruar pamjet e ashensorit në pallatin e Mehmet Dukës, babait të vëllezërve Leonard dhe Erlis Duka, ku një sasi tritoli shpërtheu mëngjesin e kësaj të marte.

Shpërthimi ndodhi rreth orës 03:00 të mëngjesit, në derën e një apartamenti në katin e katërt të një pallati në Fresk, në të cilin banon babai i kundërshtarëve të Ervis Martinajt.

Siç shihet dhe nga fotoja e mëposhtme, ashensori është dëmtuar dhe nuk funksionon, ndërkohë që policia dyshon se sasia e lëndës plasëse është vendosur si paralajmërim për klanin Duka.

Leonard Duka njihet si rivali më i madh i Ervis Martinaj. Më 14 shkurt të këtij viti, ai u arrestua nga autoritetet belge në Bruksel pasi iu gjetën armë zjarri në banesë dhe një sasi e konsiderueshme parash. Duka akuzohet se ka gisht në vrasjen e Santiago Malkos, i ekzekutuar më 27 gusht 2019, mik i afërt i të zhdukurit Ervis Martinaj.

“Më datë 18.04.2023, rreth orës 03:00, te Fresku, në afërsi të Insitutit të Fizikës Bërthamore, në katin e katërt të një pallati, në derën e banesës së shtetasit M. D., 65 vjeç, dyshohet se ka shpërthyer një sasi lëndë plasëse”, njoftoi policia.

LEXO GJITHASHTU:

• Tritol në banesën e babait të Leonard Dukës
• Kush janë autorët e vrasjes së 20-vjeçarit në Tiranë, prangoset njëri prej tyre
• Tiranë, 20-vjeçari goditet me thikë për vdekje