Skandal në basketbollin e femrave, lojtaret e Partizanit e Tiranës rrihen me grushte

Pallati i sportit ‘Asllan Rusi’ është kthyer në arenë boksi, ndërsa në parket zhvillohej derbi i kryeqytetit në basketboll për femra mes Partizanit dhe Tiranës. Sfida e vlefshme për fazën play off të Kategorisë së Parë në basketboll është fituar nga Partizani, por u shoqërua me përplasje mes lojtareve.

Sipas informacioneve të siguruara nga Euronews Albania, protagoniste të konfliktit ishin dyshja Dishnica-Banister, të cilat patën fërkime me njëra-tjetrën edhe gjatë ndeshjes. Rezultati i ngushtë 86-83 në favor të Partizanit nu ku prit mirë nga lojtaret e klubit bardheblut, ndërsa dy lojtaret e sipërpërmendura u bënë protagonist të një sherri me njëra-tjetrën.

Gjithçka nisi me një konflikt verbal për të sjellë më pas pamje skandaloze që rrallë ndodhin në këtë kategori të basketbollit. Ishte fillimisht amerikania Banister e cila goditi me grusht Dishnicën, ndërsa në parket hynë dhe familjarë të basketbollisteve. Sherri precipitoi edhe më tepër kur u përfshinë dhe lojtaret e tjera, ndërsa ishte shumë e vështirë për të rikthyer qetësinë. Me kalimin e minutave dhe ndërhyrjen e përfaqësuesve të klubeve u bë i mundur qetësimi i situatës. Ajo çka u konfirmua sërish është mungesa e elementeve  sigurisë në sport.

LEXONI GJITHASHTU:

• VIDEO| Ronaldo rrezikon burgun në Arabi, gjesti i turpshëm ndaj tifozëve
• Zbulohet oferta e “çmendur” për Messin nga Arabia, më e lartë se ajo e Ronaldos