Flamurtari e nis mbarë, vajzat vlonjate mundin Partizanin në basketboll

Vajzat vlonjate në basketboll kanë nisur mbarë ndeshjet finale për titullin kampion, duke mposhtur në takimin e parë Partizanin me shifrat 73-58.

Në një ndeshje e cila u dominua në pjesën më të madhe të saj nga ekipi i Flamurtarit, edhe pse Partizani ka në skuadër basketbolliste të huaja me cilësi shumë të mira, vajzat vlonjate treguan karakter dhe dëshirë për ta fituar.

Të mbështetua edhe nga publiku, që dalëngadalë ka nisur ti rikthehet shkallëve të pallatit të sportit në Vlorë, pjesa e parë u mbyll me një avantazh prej 10 pikësh për Flamurtarin.

Ekipi vlonjat u tregua dominant në fushë, duke luajtur kështu një nga ndeshjet më të mira për këtë sezon.

Në fund të ndeshjes, vetë arkitektja e ekipit të Flamurtarit, Elona Hasanaj pati vlerësime për të gjithë skuadrën e saj.

Në total janë 5 ndeshje mes këtyre dy skuadrave. Ekipi që fiton 3 të tilla shpallet kampion. Ndeshja e radhës luhet të mërkurën në kryeqytet.

LEXONI GJITHASHTU:

• “Nuse vetëm për letra”, komedia me regji të Leka Bungos mbush skenën në Korçë
• “Një ditë e mirë për Kosovën”, Lulzim Basha: Akti i sotëm hap një faqe të re