“Po hetonin ndonjë shkodran”, eksperti: Dekoratë vajzës që zbuloi grupin kriminal

Eksperti i kriminalistikës, Artan Rexhepi tha në një intervistë për Euronews Albania se pjesa kryesore e meritës për zbardhjen e Ardian Nikulajt i takon vajzës, që siç tha dekonspiroi një grup shumë të rrezikshëm kriminalë.

Ai bëri thirrje që jeta e saj të merret në mbrojtje pasi është shumë e rrezikuar.

Rexhepi u shpreh se motori i përdorur nga personi që ekzekutoi Ardian Nikulajn është një mjet i fuqishëm që përdoret në ngjarje kriminale.

Por theksoi se nuk mund të vlerësohet vetëm nga fotot e dalë në media nëse motori që u gjet në Kakarriq i hedhur në një përrua është apo jo i njëjtë me atë të dalë më parë në media.

“Fakti që vajza shkoi vetë në polici, duhet dekoruar vajza. Duhet të merren masat, të çohet në një shtet tjetër, se merrni parasysh çfarë grupi të rrezikshëm kriminal dekonspiroi. Profesionalizmi i vrasësit nuk diskutohet, ai e kreu siç duhet atë që duhet të bënte. Ka çeduar vetëm në pjesën shqiptare, me dëshminë e vajzës. AND që kishte policia mund të ishte edhe e një konsumatori të rastësishëm. Kishin nisur të hetonin për ndonjë nga Shkodra”, tha Rexhepi.

LEXONI GJITHASHTU:

• Iu publikuan fotot si vrasësi i Nikulaj, gazetari: Ja çfarë tha portugezi në Tik Tok
• Policia blindon Kakarriqin, gjendet motori i ekzekutorit të Nikulaj