“Na duhet model i ri në politikë”, Lapaj: Opozita po humbet votuesit e saj

Avokati Adriatik Lapaj tha se problem kryesor me pjesëmarrjen në votime është se qytetarët opozitarë janë kthyer në elektorat gri dhe nuk po shkojnë të votojnë.

I ftuar në Euronews Albania ai tha se shkaku i gjithë kësaj është që ne nuk po arrijmë ta pranojmë se Shqipëria ka nevojë për një model të ri politike.

“Këta i nxjerrin të vetët në votime, por problem është se elektorati gri nuk ka shkuar të votojë, ose elektorati blu është kthyer në elektorat grin në të pakën 200.000 njerëz. E gjitha kjo ndodh se ne nuk pranojmë që në këtë vend duhet të ketë një model të ri në politikë.

Nuk ecet me vitin XIX. Maradona ishte shumë i mirë në kohën e tij, por nuk mund të luante Maradona para se të vdiste. Është çështje brezash dhe çështje stafetash”,-tha Adriatik Lapaj.

LEXONI GJITHASHTU:

• Humbi në votimin elektronik/ Berisha: Do të kërkojmë auditim
• Dyrnjaja: Rama të vetëpërmbahet në fitore, Berisha e Meta të pranojnë humbjen