“Na thanë ka ftohje, ai ishte në koma”, flet kunati i Janit që humbi jetën në QSUT

Lulzim Mehmetaj, kunati i 27-vjeçarit Jani Rustemi, i cili ndërroi jetë pak ditë më parë në QSUT ka fajësuar shtetin për vdekjen e të riut.

Në një intervistë për Euronews Albania ai theksoi se Rustemi ishte përdorues i hashashit por jo i heroinës.

Më tej ai shtoi se kanë qenë dy oficerë policie të cilët kanë shkuar te shtëpia e 27-vjeçarit dhe i kanë dhënë nënës së tij lajmin që i riu është shtruar në spital.
Sipas tij ata nuk i kanë treguar se është në gjendje kome, por që është i ftohur.

“Ai nuk ishte përdorues heroine, kush ia dha metadonin? I bënë analizat? Vetëm njëherë na kanë lejuar që të prekim djalin, por nuk na kanë lejuar që ta shohim, a kishte shenja dhune apo jo. Unë nuk vendos gisht se kush e ka dhunuar. Vetëm njëherë na kanë lejuar që të prekim djalin, por nuk na kanë lejuar që ta shohim, a kishte shenja dhune apo jo. Ai donte një njeri që ti qëndronte aty. Pas dy javësh pasi është arrestuar Jani kanë ardhur dy oficerë policie e i kanë thënë vjehrrës ik se e ke djalin në spital. I ka thënë vjehrra për ça, ka pak ftohje ska gjë”-tha ai.

LEXONI GJITHASHTU: 

• Dorëheqje pas 14 majit? Topalli: Opozita s’bëhet me modelin e ish-kryetarit
• Flet kunati i Rustemit që vdiq në QSUT: Morëm vesh se ishte në koma pas 12 ditësh