“Mos u besoni më politikanëve”, Basha-të rinjve: Duhen listat e hapura 100%

Ish-kryetari i Partisë Demokratike Lulzim Basha ishte këtë të mërkurë në një takim me të rinjtë ku tha se listat e hapura janë e vetmja mundësi për t’u krijuar hapësirë të rinjve që të jenë më të përfaqësuar në politikë.

“Propozimi im i parë nuk është i ri por është i domosdoshëm për t’i krijuar hapësirë rinisë që përmes konkurrencës dhe kësaj hapësire të çajë përpara, ta gjejë veten të përfaqësuar dhe të garoj për të përfaqësuar interesat tuaj dhe të gjithë shoqërisë, listat e hapura anë e mbanë vendit”,-tha Basha, ndërkohë që shtoi se këtë nuk e duan të gjithë, pasi është më e lehtë të shkosh te kryetari se të japësh llogari para qytetarit për punën që bën.

Ai tha se qytetarët nuk duhet t’u besojnë më politikanëve, por duhet ta marrin besimin në duart e tyre.

“Ftesa ime është të ndalojmë pretendimin se u besojmë politikanëve dhe qytetarët të marrin besimin në duart e tyre dhe për këtë fte3sa ime ndaj çdokujt që i dhimbset ky vend është që pa vonesë të nisim rrugëtimin për këtë ndryshim thelbësor në demokracinë tonë. Listat e hapura 100%”,-tha Lulzim Basha.

LEXONI GJITHASHTU:

• I veshur sportiv dhe mes të rinjve, rikthehet në takime publike Lulzim Basha
• “Duam të jesh kryetari jonë”, Basha-të riut: Nuk kam nisur akoma fushatë