Rama në turin e falënderimeve: Kukësi dhe Tropoja themeli i fitores sonë

Kryeministri Edi Rama ishte pasditen e kësaj të mërkure turin e falënderimeve në Kukës. “Themel i fitores” kështu e quajti ai fitoren e arritur në Kukës dhe Tropojë, duke shtuar se në këto bashki fitoren e ka pasur me dyshime.

“Ju jeni themeli i fitores. Duhet ta kuptojmë ne të parët se çfarë është kjo që ka ndodhur dhe të mos i japim vetes një vetëkënaqësi apo edhe merita, që nuk i kemi, sepse këtu ka pasur disa faktorë, që nuk kanë pasur të bëjmë domosdoshmërisht me se çfarë kemi bërë ne, por kanë të bëjnë edhe me situatën e sotme politike. Edhe Kukësin dhe Tropojën i llogarisja të diskutueshme me zor të madh”,-tha kryeministri Rama.

Më tej kryeministri Rama nuk ka ngurruar të falënderoj edhe drejtuesin politik të partisë socialiste në qarkun e Kukësit, Pandeli Majkon.

“Një rol të veçantë në këtë qark ka pasur dhe Pandi dhe dua ta falenderoj për këtë dhe dua t’i kujtoj se kur i kam thënë në Kryesi do të shkosh në Kukës, më pa sikur po e çoja në internim, do shkosh në Kukës i thashë nuk ke ça mendohesh fare, në darkë më çoi mesazh e më tha ore Edi seriozisht e ke ti?! Sepse isha i bindur 100% që Pandi do krijonte një atmosferë pozitive”,-tha Rama.

LEXONI GJITHASHTU:

• Stoltenberg: Anëtarësimi i Ukrainës në NATO gjatë luftës, nuk është në axhendë
• Stoltenberg: Anëtarësimi i Ukrainës në NATO gjatë luftës, nuk është në axhendë