Ish-ministri komenton qasjen e Serbisë ndaj Perëndimit, ja ku po gabon

Ish-ministri i Jashtëm kroat, Davor Ivo Stier tha në një intervistë për “Balkan Talks” në Euronews Albania se Serbia po gabon rëndë me qasjen ndaj Perëndimit.

Sipas tij është kontradiktore të thuhet se duan të jenë pjesë e Bashkimit Evropian, por nuk duan të rreshtohen me Perëndimin.

“Kjo nuk është e përputhshme. Pse? Sepse Bashkimi Evropian s’ka qenë kurrë i paangayhuar; ka qenë gjithmonë pjesë e perëndimit, një shtyllë e perëndimit, sigurisht, bashkë me Shtetet e Bashkuara si aleat strategjik i Evropës, por kur një vend kandidat thotë që do të jetë anëtar i Bashkimit Evropian, nënkupton edhe rreshtimin me interesat strategjike dhe gjeopolitike të Bashkimit Evropian e të perëndimit. Kjo përfshin sigurisht edhe sanksionet ndaj Rusisë për shkak të agresionit rus në Ukrainë. Vendimi për të kundërtën tregon se ka një kontradiktë të qartë.

Nëse thua që do të jesh pjesë e BE-së, është vendim plotësisht sovran i autoriteteve serbe. Atëherë, nëse duan ta bëjnë, duhet të përmbushin kriteret përkatëse dhe duhet të rreshtohen gjeopolitikisht me BE dhe perëndimin. Pra, nuk është pozicion i duhur kur kundërshton të sanksionet ndaj Rusisë,” – sqaroi ish-ministri Stier.

LEXONI GJITHASHTU:

• Ish-ministri i Jashtëm kroat: Ja kur do ta njohë Serbia Kosovën
• Zbatimi i marrëveshjes Kosovë-Serbi, palët ende larg pajtimit