Man City fiton Kupën, mposhti në finale Man United me rezultatin 2-1

Manchester City ka fituar një tjetër derbi, me vlerën e trofeu të kupës në Angli.

Të besuarit e Pep Guardiolës mposhtën Manchester United, në një finale të jashtëzakonshme, që u zhbllokua ende pa u mbushur 1 minutë lojë.

Ishte Gundogan që mori një pasim nga De Bruyne dhe pa e lejuar topin të prekë tokën gjuajti saktë me të djathtën duke realizuar një supergol.

Në vijim të kuqtë rritën intensitetin e lojës, madje duke u shfaqur rrezikshëm, ku dhe fituan një 11 metërsh. Fernandes ekzekutoi saktë, duke sjellë baraspeshën e përkohshme. E shtuna ishte dita e mesfushorit gjerman Gundogan, i cili do të ishte dhe një herë tjetër protagonist duke shënuar dhe golin e fitores për të tijtë.

Një tjetër gjuajtje e saktë duke mposhtur portierin De Gea, me këtë të fundit që pa topin t’i drejtohej rrjetës. Skuadra në fushën e lojës nuk kishin shumë diferenca nga njëra-tjetre, por me ‘The Cityzens’ më kualitativ sa i përket organikës, duke i marrë më të mirën sfidës.

Ky ishte trofeu i 7 i FA Cup për Manchester Cityn, i cili ka luajtur në 12 finale, ndërsa e fundit e humbur prej tyre është ajo e vitit 2013.

LEXONI GJITHASHTU:

• United kthehet për të fituar derbin e Mançesterit
• Manchester City kampion i FA Cup