Hapja e garës për kreun e ri të PD, si votuan deputetët gjatë mbledhjes së Kryesisë

Kryesia e Partisë Demokratike zhvilloi dje një mbledhje për të diskutuar rreth mënyrës se si do të drejtohej partia dhe për datën e caktimit të zgjedhjes së kryetarit të ri të saj. Mbledhja u shoqërua me debate dhe tensione të shumta.

Disa deputetë u larguan duke e konsideruar vendim të njëanshëm përcaktimin e një date për zgjedhjen e kryetarit të ri të PD.

Kryesia vendosi hapjen e procesit zgjedhor dhe mbajtjen e zgjedhjeve për Kryetarin e PD me datë 29 korrik 2023.  Vendimi u miratua me 17 vota pro, Jonila Godole dhe Flamur Hoxha votuan kundër ndërsa, Jorida Tabaku, Juela Hamati dhe Oriela Nebiaj abstenuan.

Deputetët që votuan pro janë si më poshtë:

1. Enkelejd ​Alibeaj
2. Flutura​ Açka
3. Jemin ​Gjana
4. Taulant ​Zeneli
5. Endri​​ Hasa
6. Indrit ​Sefa
7. Kreshnik ​Çollaku
8. Roland ​Bejko
9. Gentian ​Gaba
10. Agron​ Kapllanaj
11. Arbi​​ Agalliu
12. Fitim​​ Zekthi
13. Gazmend​ Koduzi
14. Merita​ Bakiu
15. Orjola​ Pampuri
16. Taulanda ​Jupi
17. Xhemal ​Gjunkshi

Ndërkohë deputetët Gazment Bardhi, Saimir Korreshi, Helidon Bushati, Dashnor Sula, Lefter Gështenja, Bledion Nallbati, Dhurata Çupi u larguan nga mbledhja.

LEXONI GJITHASHTU:

• “Thikë pas shpine për PD”, Bejko: Deputetët s’duhet të largoheshin nga mbledhja
• Tabaku pas mbledhjes së kryesisë: Vendimi i njëanshëm, nuk i shërben bashkimit të PD