Kurti jep detaje për mbledhjen e përbashkët mes qeverive

Kryeministri i Kosovës, Albin Kurti, ka dhënë detaje në lidhje me mbledhjen e dy qeverive Kosovë-Shqipëri, që do të zhvillohen ditën e nesërme në Gjakovë.

Në një deklaratë për mediat, ai theksoi se do të ketë marrëveshje në arsim, shëndetësi, bashkëpunim dhe siguri.

Ai bëri me dije se në mbledhje do të jenë edhe kryetarët e bashkive të zonave kufitare.

“Do ketë marrëveshje në arsim, shëndetësi, mbrojtje dhe bashkëpunim për siguri. Në rend të ditës së nesërme do të kemi edhe diskutimin në lidhje me realizimin e bashkimit doganor krahas marrëveshjes për memorandumin për bursat shëndetësore, lehtësimin e procedurave të kalimit të mallrave ushtarake. Veçanti e kësaj mbledhje është dhe takimi I përbashkët me zonat kufitare. Bashkë do të diskutojmë se si sfidat t’i kthejmë në mundësi dhe mundësitë në përfitim për qytetarët. Lëvizjes së lirë së qytetarëve në zonat ndërkombëtare i kemi dhënë rëndësinë e duhur nëpërmjet marrëveshjeve të deritanishme. E kemi rritur në 26 numrin e vendkalimeve të veçanta kufitare. Nga prilli i këtij viti mbi 200 mijë shtetas të Kosovës dhe Shqipërisë kanë të drejtë të kalojnë kufirin lirshëm dhe të qëndrojnë në zonën kufitare për arsye sociale, kulturore e familjare.”-tha Kurti.

LEXONI GJITHASHTU: 

• Draft-statuti i Ramës për asociacionin, vjen për herë të parë reagimi i Kurtit
• Situata në Veri, Kurti zbardh bisedën me Borrell dhe takimin me ambasasorët e QUINT