“Rama po punon për Serbinë”, Berisha: Është kthyer në zëdhënës të Vuçiç

Ish-kryeministri Sali Berisha tha në një intervistë për “Now me Erla Mëhillin” se Beogradi kontrollon Edi Ramën.

Në një intervistë për gazetarin Andrea Danglli, Berisha shtoi se Vuçiç e ka shndërruar Ramën në zëdhënës të projekteve të tij për Serbinë e madhe.

“Shqiptarët kanë dëgjuar gjatë këtyre viteve Edi Ramën të paraqesë projekte të tij, projektet e Vuçiç, siç ishin hartat për ndarjen e Kosovës apo ndryshimin e kufijve, siç ishte minishengeni i themeluar në samitin e Novisadit, në hartën e të cilit Kosova u inkorporua tërësisht me Serbinë, siç është së fundmi iniciativa e pakërkuar nga askush e Edi Ramës, por në emër të Vuçiç për të paraqitur një projekt për çështjen më delikate, më të mprehtë të krizës në rajon siç është asociacioni i komunave me shumicë serbe.

Edi Rama anuloi takimin me vendin fqinj sepse Albin Kurti refuzoi formatin e kërkuar nga Rama për refuzimin e draftit. Në këtë kontekst unë mund të them se  autoritetet e Kosovës meritojnë lavdërimin më të madh që refuzuan një takim dhe një debat me një person që është tërësisht jashtë kuadrit zyrtar ndërkombëtar të negociatave,” – u shpreh Berisha.

LEXONI GJITHASHTU:

• Anulimi i mbledhjes së 2 qeverive, reagon Berisha: Rama-Vuçiç duan të ndajnë Kosovën
• Rama anulon takimin e dy qeverive, Berisha: Ja pse ka bërë gjënë e duhur