Vritet në atentat një person në Prishtinë, policia: Gjetëm një makinë të djegur

Një vrasje me armë zjarri ka ndodhur mbrëmjen e djeshme në qytetin e Prishtinës.

Ngjarja ka ndodhur në rrugën “C” në kryeqytetin e Kosovës, ku është vrarë me armë zjarri një shtetas nga Maqedonia e Veriut.

Policia e Kosovës bën me dije se rreth një kilometër nga vendi i ngjarjes është gjetur i djegur automjeti i autorëve të krimit, me të cilin dyshohet se janë larguar nga vendi i ngjarjes.

“Prishtinë 14.06.2023 – 20:00. Raportohet se i/të dyshuar deri më tani i pa njohur kanë shtënë me armë zjarri në drejtim të viktimës mashkull shtetas i Republikës së Maqedonisë Veriore. Njësitë relevante policore kanë dalë në vendin e ngjarjes, ku kanë vërejtur se në një veturë me targa të Republikës së Maqedonisë Veriore, është një person, nga mjeku përgjegjës është konstatuar se peroni i cili ishte në veturë është pa shenja jete. Rreth një kilometër nga vendi i ngjarjes është hasur një veturë e djegur me targa të Gjermanisë, me të cilën dyshohet se të dyshuarit kanë ikur nga vendi i ngjarjes. Me urdhër të prokurorit të shtetit trupi i pa jetë i viktimës është dërguar në IML për obduksion, rasti vazhdon të hetohet”, njofton Policia.

LEXO GJITHASHTU:

• Arrestimet e SPAK, nis hetimi pasuror për ish-shoferin e Ardi Veliut dhe familjes
• Vodhën kasafortën e një biznesi në Tiranë, arrestohen dy të rinj