Rritet shkalla e papunësisë, INSTAT: 22.5% e të rinjve 15-29 vjeç nuk punojnë

Papunësia në Shqipëri po vjen në rritje, veçanërisht tek moshat e reja.

Sipas raportit të  Institutit të Statistikave, në 3 muajt e parë të vitit 2023, shkalla zyrtare e papunësisë në vendin tonë është 10,9 %, duke regjistruar rritje me  0,7 %, krahasuar me tremujorin e katërt të vitit 2022.

Shkalla zyrtare e papunësisë për burrat është 10,6 % dhe për gratë 11,1 %.

Numri më të lartë të papunëve e shohim tek grupmosha 15-29 vjeç, ku sipas INSTAT, 22,5 % e tyre janë të papunë, shifër kjo 1,8% më e lartë se 3 muajt e fundit të vitit 2022. 

Sa I takon  grup-moshën 30-64 vjeç shkalla e papunësisë është 7,8 % dhe ka një rritje me 0,2% krahasuar me tremujorin e mëparshëm .

Në tremujorin e parë 2023, shkalla e pjesëmarrjes në forcat e punës, për popullsinë 15-64 vjeç, është 75,7 %.

Për gratë, shkalla e pjesëmarrjes në forcat e punës është 69,5 %, ndërsa për burrat ky tregues është 82,2 %. Për burrat, shkalla e pjesëmarrjes në forcat e punës është 12,7 pikë përqindje më e lartë sesa për gratë.

Sipas ekspertëve në këtë periudhë të vitit është ulur me 2,7 % punësimi  në sektorin e industrisë, dhe është rritur me 11 % në sektorin e shërbimeve, dhe me 0,4 % në sektorin e bujqësisë.

LEXONI GJITHASHTU:

• I shpërthyen makinën me tritol në Tiranë, zbardhet dëshmia e biznesmenit
• Policia e Kosovës mohon akuzat se ka rrahur dy serbë në veri