Gjermania nuk di të fitojë, organizatorët e Euro 2024 humbasin sërish

1 fitore në 5 ndeshjet e fundit miqësore, Gjermania është një formën më negative të saj prej kohësh. Panzerat pësuan një tjetër humbje mbrëmjen e së martës nga Kolumbia me rezultatin 0-2, ndërsa duket se nuk është gati për Europianin.

Me luksin për të qenë në fazë ne grupeve kjo për faktin se është vendi organizator, gjermanët kanë kohë mjaftueshëm për të ndërtuar një skuadër kompetitive, por duket se kjo nuk po ndodh.

Trajneri Hansi Flick e nisi aventurën e tij në vitin 2021 me 8 fitore radhazi, por tani skuadra po kalon një krizë të plotë. Mediat gjermane kanë nisur menjëherë kritikat, ndërsa disa prej tyre shtrojnë pyetjen, a është ky trajneri i duhur?

58-vjecari që vinte me petkun e kampionit, duke fituar tripleten me Bayernin e Mynihut beson se në shtator skuadra do të ketë një tjetër fytyrë.

Në anën tjetër, analistët e futbollit mendojnë se koha nuk i premton asgjë Flick, ndërsa kërkojnë shkarkimin e tij. Në ditët në vijim nuk përjashtohen ndryshimet në krye të pankinës së panzerave, të cilët kanë mundur të fitojnë vetëm ndaj Perusë, ndërsa mposhtur nga Belgjika, Ukraina, Polonia dhe Kolumbia.

LEXONI GJITHASHTU:

• AGK: Është shfuqizuar vendimi për pezullimin e Klan Kosovës
• “Përse u largova nga MEK”- Iraniani zbulon çfarë ndodh brenda kampit