“Muxhahedinët gënjenin sy për sy”, gazetari: Ja ku gaboi media me këtë ngjarje

Gazetari Igli Çelmeta tha në një intervistë për “Good morning Albanians” në Euronews Albania se dyshohet qe mes muxhahedinëve ka agjentë të infiltruar.

Para se mediat t’u jepnin zë dhe figurë muxhahedinëve, që sipas tij gënjenin sy për sy, duhet të prisnin një njoftim zyrtar të policisë. Në këto kushte, Çelmeta thotë se forma si ky aksion policor ishte jo e duhura.

“Që policia të bëjë kontrolle në kampin e MEK, duhet një vendim gjykate; dhe për kontrollet që kreu Policia e Shtetit kishte një vendim nga Gjykata e Posaçme, pasi SPAK kishte kërkuar të bëheshin kontrolle. Jam paksa i pakënaqur me mënyrën si reaguam ne mediat për këtë kontroll të Policisë së Shtetit në kampin MEK. Duhet të prisnim të përfundonte kontrolli i Policisë së Shtetit, të dilte me një deklaratë zyrtare Policia e Shtetit dhe më pas të shkonim ne të gjitha mediat dhe t’i jepnim zë dhe figurë muxhehedinëve, të cilët gënjenin sy për sy që policia po i dhunonte, madje ka pamje filmike që ata po dhunonin Policinë e Shtetit. Shtrihen para furgonëve të policisë, u bllokojnë rrugën dhe nuk ka asnjë lloj dhunë fizike të policisë ndaj muxhahedinëve,” – u shpreh Çelmeta.

LEXONI GJITHASHTU:

• “Tolerancë me tepri”, Rexhepi: Policia të ishte treguar më e ashpër me muxhahedinët
• “Muxhahedinët thyen besimin”, Qiriazi: Operacioni i policisë legjitim, por i vonuar