Rebelimi i Wagner, strategji e Putin? Osmani: Mund të mos jetë luftë e hapur por…

Eksperti i marrëdhënieve ndërkombëtare Kreshnik Osmani ishte i ftuar këtë të shtunë në një intervistë për Euronews Albania ku ka folur për rebelimin e grupit të Wagner ndaj Kremlinit.

Osmani tha se këtu ka disa zhvillime të cilat jo të gjitha janë të dukshme dhe hodhi hipotezën se kjo mund të jetë edhe iorganizuar e gjitha nga vetë presidenti Putin i cili mund ta përdorë grupin Wagnër për të kryer një sulm bërthamor taktik ndaj Ukrainës, si një aibi, për të thënë se këtë e ka bërë një grup I cili nuk është nën pushtetin e tij.

“Këtu ka disa zhvillime të cilat janë jo gjithmonë të qarta nga syri sipërfaqësor. Nuk lejohet ta shikojmë gjithçka është duke ndodhur, pasi ka edhe versione të tjera që kjo mund të jetë organizuar edhe vetë nga Vladimir Putini në një tentativë të tijën për të organizuar një sulm bërthamor taktik në përgjigje kundër perëndimit, apo kundër ofensivës Ukrainës, duke “ia lënë topin” forcave Wagner, pasi njoftohet se në këtë moment forcat Wagner kanë marrë një nga stacionet ku gjenden armë bërthamore të Rusisë.

Këtu rrezikohet gjithashtu se mos ndoshta Wagner është në një rol të mirëkoordinuar me Putninin në mënyrë që të organizojë një kundërofensive me sulm bërthamor taktik, që Putini të dal më pas e të thotë se nuk e ka bërë Putini, por e ka bërë një grup që nuk udhëhiqet nga ai. Por këtu jemi në hamendësime, gjithçka do bëhet më e qartë në orët në vijim”,-tha Kreshnik Osmani.

LEXONI GJITHASHTU

• Ministri i Jashtëm ukrainas thirrje Perëndimit: Koha t’i japin fund të keqes
• Publikohet video, Prigozhin ka patur takim me krerët e lartë të ushtrisë ruse