Agjenti i dyshuar tek Beleri! Lita: Pse u zgjodh Himara?

GJKKO refuzoi sot kërkesën për leje të Fredi Belerit, për t’u betuar si kryetar i Bashkisë Himarës, i zgjedhur pas zgjedhjeve të 14 majit.

Gazetari Lavdrim Lita tha në një intervistë për Euronews Albania se çështja e Belerit është disi e dyshimtë për faktin se hetimet  nuk janë nisur nga SPAK por nga prokuroria e Vlorës me një agjent të infiltruar.

“Kjo çështje është pak ters se nuk e ka nisur SPAK por prokuroria e Vlorës me një agjent të infiltruar çka ngre dyshime mbi mënyrën si është bërë operacioni dhe mbledhja e provave dhe më pas transferimi në SPAK për hetime. Shumë analistë kanë shtruar pyetjen pse nuk është vepruar në të njëjtën mënyrë me bashkitë e tjera dhe pse u zgjodh pikërisht Himara. Çfarë ishte kjo pika e dobët e kësaj bashkie në jug të vendit që detyroi prokurorinë e Vlorës të bënte një hetim proaktiv duke mbajtur në përgjim për 1 muaj Belerin dhe rrethin e tij. Kjo do të thotë që ka pasur një interes të shtuar jo vetëm hetimor”, tha Lita.

LEXONI GJITHASHTU:

• Fredi Belerit i refuzohet kërkesa për t’u betuar si kryebashkiak i Himarës
• “Beleri i burgosur politik”, Dule: Të lirohet menjëherë. Po shkelet sovraniteti