Të shtëna me armë zjarri në Tropojë, plagosen 2 persona

Një ngjarje e rëndë ka ndodhur këtë të hënë në qytetin e Tropojës në një servis.

Një qytetar ka plagosur me armë zjarri në këmbë një person pas një konflikti për motive të dobëta, e po ashtu ka plagosur edhe një kalimtar të rastit.

Sipas informacioneve të siguruara nga Euronews Albania personi i plagosur ndodhet jashtë rrezikut për jetën.

Policia ka identifikuar autorin dhe po punon për kapjen e tij.

“Rreth orës 20:10, në Bajram Curri, në oborrin e një lokali, dyshohet se pas një konflikti për motive të dobëta, shtetasi B. S., 49 vjeç, ka plagosur me armë zjarri pistoletë, në këmbë, shtetasin A. B.

Si pasojë e të shtënave, është plagosur në këmbë dhe është jashtë rrezikut për jetën, edhe një kalimtar i rastit, shtetasi G. B.

Shërbimet e Policisë janë vënë në ndjekje të autorit, është rrethuar zona, si dhe vijojnë kontrollet në zonë dhe në ambiente të ndryshme, për të bërë të mundur kapjen e tij.

Grupi hetimor ndodhet në vendngjarje dhe ka sekuestruar kamerat e sigurisë dhe çdo provë tjetër që do t’i shërbejë dokumentimit të plotë të ngjarjes.

Vijon puna për zbardhjen e plotë të kësaj ngjarjeje”,-thuhet në njoftimin e policisë.

LEXONI GJITHASHTU:

• Sherr për ujin e vaditjes, gratë në Korçë bëjnë njëra-tjetrën për spital
• Peja nuk “noton” më! Gazetari raporton për situatën pas përmbytjeve