Peja nuk “noton” më! Gazetari raporton për situatën pas përmbytjeve

Peja po i kthehet normalitetit, uji duket se është larguar ndërsa po vazhdon të bëhet identifikimi i dëmeve të shkaktuara nga përmbytjet.

Kujtojmë se për shkak të përmbytjeve në qytetin e Pejës humbën jetën një nënë dhe djali i saj 5 vjeç.

Reshjet e dendura të shiut po ashtu kanë shkaktuar dëme materiale në këtë komunë. Dëme janë shkaktuar në ekonomitë familjare, biznese, bujqësi dhe infrastrukturë publike.

Gazetari i Euronews Albania ka dhënë më shumë detaje për situatën në Pejë pas tërheqjes së ujit.

“Situata duket se po i kthehet normalitetit, nuk ka më prani të ujit në rrugë, vetëm në disa rrugica janë ende automjetet e bashkisë të cilat po bëjnë thithjen e ujit në afërsi të disa trotuareve.

Në lagjen ku ditën e djeshme humbën jetën dy persona ka ende prani të shumtë të inerteve dhe ujit në rrugë, ndërsa si pasojë e rrëshqitjeve të dherave ka filluar të ketë shumë vështirësi për kalimin e automjeteve.

Gjithashtu zona është e bllokuar për sa i takon furnizimit  me ujë të pijshëm dhe energjisë elektrike”,-tha gazetari Teodor Gjergo.

LEXONI GJITHASHTU:

• Bien kërkesat për azil, 2510 aplikime në fillim të vitit, 500 më pak se në 2022
• U akuzua për fshehje pasurie, GJKKO: 1 vit shërbim prove ish-kreun e Kushtetueses