Zelensky: Do të fitojmë, s’i tolerojmë pushtuesit

Presidenti i Ukrainës, Volodymyr Zelensky është zotuar të intensifikojë përpjekjet për të rimarrë territorin e pushtuar nga Rusia në jug të vendit.

Gjatë një vizite në qytetin port të Odesës, ai është shprehur optimist se Ukraina do ta fitojë luftën, shkruajnë mediat e huaja.

“Së bashku do të fitojmë. Brigjet e Ukrainës nuk do t’i tolerojnë kurrë këta pushtues… Armiku padiskutim, nuk do të diktojë kushtet në Detin e Zi”, tha ai.

Derisa vizitoi komandantët ushtarakë në Odesa dhe ushtarët e plagosur në spital, Zelensky tha se “pushtuesit do të shqetësohen për afrimin e Krimesë tonë ukrainase dhe bregdetit tonë në Detin Azov.

Gadishulli i Krimesë u aneksua nga Rusia në vitin 2014, por njihet ndërkombëtarisht si i Ukrainës, ndërsa qytetet në Detin Azov janë pushtuar nga trupat ruse gjatë luftës 16-mujore.

LEXONI GJITHASHTU:

• Zelensky nënshkruan dekretin, sanksionon 192 persona, kryesisht rusë
• Zelensky: 21 mijë mercenarë të Wagner janë vrarë në Ukrainë