Tonali braktis Milanin, zyrtarisht lojtar i ekipit të Premiere League

Newcastle ka zyrtarizuar transferimin e Sandro Tonalit nga Milani, me mesfushorin 23-vjecar që ka nënshkruar për 5 sezone. Ka qenë skuadra e “qymyrxhinjve” ajo e cila ka bërë të ditur arritjen e marrëveshjes për një vlerë rreth 70 mln euro plus bonuse, ndërsa kontrata është me të drejtë rinovimi. Tonali luajti për dy vite me kuqezinjtë, aty ku numëron afro 100 paraqitje, ndërsa kishte shprehur dëshirën për të qëndruar në San Siro.

Ekipet angleze vijojnë të punojnë fort sa i përket transferimeve, e këtë herë bëhet fjalë për kampionët e Man Cityt. Qytetarët pasi nuk arritën të bindin dot mesfushorin Joshua Kimmish, tashmë janë me sytë drejt Frenkie de Jong. Holandezi është një dëshirë e trajnerit Guardiola. Nga skuadra pritet gjithashtu të ketë largime, teksa njëri prej tyre është Aymeric Laporte. 29-vjeçari nuk po gjen hapësira në skuadër, ndërkohë në garë është futur dhe Juventusi.

Një tjetër lëvizje e bujshme është dhe ajo e mesfushorit anglez Mason Mount, i cili është shumë pranë akordit me Manchester United. Situata jo e qetë në Stamford Bridge ka bërë që Mount të mendoje largimin, ndërsa Old Traford është destinacioni i radhës, ndërsa djajtë pritet të paguajnë 60 mln paundë.

LEXONI GJITHASHTU:

• Broja ‘trazon‘ rrjetin, mesazhi i koduar i sulmuesit shqiptar për Chelsea-n
• “Chelsea ekipi i zemrës”, Armando Broja, tregon rrugëtimin që fëmijë