“Shtëpitë në Halil të pabanueshme”, Voga: S’janë zbatuar kriteret për guroret

Kadri Voga, ish-kreu i komunës së fshatit Halil ka theksuar se punimi në gurore është bërë jashtë kritereve.

I ftuar në emisionin ‘Revieë’ në Euronews Albania, Voga nënvizoi se lejet e guroreve janë hënë nga Ministria por nuk janë zbatuar kriteret.

Sipas tij shpërthimi që ndodh nën tunele me eksplozivë, ndodh avash e si pasojë krijohen plasaritje.

“Këto shpërthimet e guroret ka shumë vite që janë. Shkaktar i këtyre shpërthimeve të guroreve, është dhe politika në bashkëpunim me policinë. Nëse policia nuk do varej  nga politika të gjithë do e kishin frikë ligjin. Vjen një shef komisariati aty vetëm për të mbrojt guroren. Kam kryer dhe detyrën e policisë së rendit në disa zona. Lejet e guroreve janë dhënë nga Ministria dhe këto leje janë dhënë për t’u zbatuar kriteret. Kjo nuk është zbatuar asnjëherë.   Kanë bërë një tunel nën mal dhe kanë bërë një shpërthim të fuqishëm që ka pas brenda 200 kuintalë lëndë eksplozive arizanale. Kjo ka një shpërthim të dobët që jep lëkundje sizmike, dhe krijon plasaritje te shtëpitë”- tha ai.

Mes tjerash ai nënvizoi se shtëpitë në Halil, në Fushë-Krujë, shtëpitë janë bërë të pabanueshme.

“Po të shohësh shtëpitë në Halil, në Fushë-Krujë, shtëpitë janë bërë të pabanueshme. Guroret janë punuar jashtë kritereve ligjore. Asnjë drejtues teknik i gurores nuk ka zbatuar ligjin”- tha ai.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• “Mafia kjo është”| Deputeti i PD: Pse Rama shkarkoi Bledi Çuçin               
• Ekskluzive| Flet pronari i gurores: Bilbili donte para, ka ardhur me automatik