Hoti: Rama gaboi me ‘Open Balkan”, do kemi ecuri në “Procesin e Berlinit”

Analisti Dritan Hoti ka komentuar përfundimin e nismës së ‘Ballkanit të Hapur”, lajm i cili u bë me dije pak ditë më parë nga kreu i qeverisë Edi Rama.

Në një intervistë për Euronews Albania, ai theksoi se Rama herë pas here ka bërë një gabim në ligjeratën e tij politike në lidhje me këtë proces.

Më tej ai tha se mos-bajtja e mbledhjes së dy qeverive provoi kryeministrin e Kosovës Albin Kurti, i cili refuzoi që ta takonte Ramën, gjatë vizitës së këtij të fundit në Kosovë.

“Ishte një iniciativë e cunguar që aderonin vetëm tre shtete, që kishin një bashkëpunim vetëm sipërfaqësor. Rama ka bërë disa gabime në ligjeratën politike. Hera herës ka pasur një protagonizëm duke e veshur me arrogancë.

Mosmbajtja e dy qeverive, provokoi Kurtin që si pasojë e refuzoi Ramën për ta takuar. Rama gaboi në anulimin e mbledhjeve pasi tematika ishte simbolike dhe kishte domethënie të veçantë.

Procesi i Berlinit nuk kishte mbetur në vend numëro, po pati një ndërfutje të “Ballkanit të Hapur”. Janë dy premisa që kanë të bëjnë me samitin e Ballkanit gjë që është pozitive për Shqipërinë.

Do të kemi një ecuri të Procesit të Berlinit që duhen marrë seriozisht nga vendet e Ballkanit Perëndimor. Kjo do të jetë një shtysë e mirë në planin juridik dhe ekonomik për të afruar dhe më shumë vendin tonë me Evropën e Integruar”- tha ai.

LEXONI GJITHASHTU: 

• Karamuço: Balla ka 5 vite që kërkon postin e Ministrit, Rama aa plotësoi
• “Gëlojnë familjet mafioze”- Dervishi: Çfarë na mësoi ngjarja e Fushë-Krujës