Europiani i 21-vjeçarëve, Anglia rikthehet tek trofeu pas 4 dekadash

39 vjet i janë dashur kombëtares së Anglisë për të fituar trofeun e 3 të kampionatit evropian, me 3 luanët të cilët mposhtën në finalen e së shtunës Spanjën. Përballja e zhvilluar në Gjeorgji për 21-vjeçarët është mbyllur në shifrat 1-0, ndërsa goli i vetëm u shënua nga mesfushori i Liverpool Curtis Jones. Iberikët u përpoqën të reagojnë pas golit të pësuar në limitet e pjesës së parë, por ishte sistemi VAR që riktheu shifrat në baraspeshë.

Si të mos mjaftonte VAR, do të ishte dhe një herë tjetër sulmuesi 23-vjeçar i Bragës, Abel Ruiz i cili shpërdoroi një penallti në fund të ndeshjes, me porterin Trafford që ishte shpëtimtari.

Europiani i fundit i fituar nga Anglia U-21 i përket vitit 1984, ndërsa edhe dy vite më parë ishin sërish tre luanët që fitonin kompeticionin, ndërsa asokohe bënin pjesë vetëm 8 skuadra. Sa i përket rrugëtimit drejt titullit të këtij edicioni, Anglia mposhti skuadra si Gjermania, Çekia, Portugalia, Izraeli e më pas në finale spanjollët.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• Çfarë ndodh në Superligë| Skuadrat bëhen gati për aventurën evropiane
• Fundi i Mbappe tek PSG, sulmuesi sulmoi drejtuesit e klubit