DOKUMENTI| SPAK kërkoi arrestimin e Ahmetaj, cilat janë 3 akuzat zyrtare

SPAK i është drejtuar me një kërkesë zyrtare Kuvendit të Republikës së Shqipërisë, ku i kërkon autorizim për arrestimin e ish-zëvendëskryeministrit Arben Ahmetaj.

Gazetari Eni Ferhati raportoi se kreu i SPAK Altin Dumani i është përgjigjur interesit të Euronews Albania dhe ka bërë me dije se kërkesa e SPAK bazohet në tre akuza: korrupsion pasiv, pastrim parash dhe deklarim i rremë me fshehje pasurie.

Më herët ndaj ish-zv.kryeministrit ishte artikuluar edhe akuza e shpërdorimit të detyrës, që nuk është përfshirë në hetimet e SPAK.

Mësohet se kërkesa është depozituar në Kuvend që ditën e premte, më datë 7 korrik.

2 javë më parë Ahmetaj ishte në SPAK ku u pyet për 6 orë në kuadër të një hetimi që ka nisur që nga shtatori i vitit të kaluar lidhur më inceneratorin e Elbasanit. Lëvizja e sotme e SPAK për masën e sigurisë ndaj një deputeti ka të bëjë me këtë hetim dhe ishte e pritshme pasi SPAK ka pretenduar për prova që implikojnë Ahmetajn në marrëdhënie financiare me biznesmenët në kërkim, gjë që është mohuar prej tij.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

Kryemadhi ironizon kërkesën për Ahmetajn: Arrestimet venë e vijnë, por…

“Arben Ahmetaj nuk e pranon burgun”! Hoxha: Mund të kërkojë azil