3 akuzat për Arben Ahmetaj! Avokati zbulon sa vite burg rrezikon ish-ministri

Avokati Gentian Rumano tha në një intervistë për Euronews Albania se bazuar në akuzat për të cilat akuzohet ish-zv.kryeministri Arben Ahmetaj ai rrezikon burgun.

Sipas avokatit, akuzat janë shumë të rënda, qoftë për opinionin politik të Arben Ahmetajt dhe akuzën e ngritur nga SPAK.

Ai sqaroi se për akuzën e mosdeklarimit të pasurisë Ahmetaj rrezikon deri në 3 vjet burg, për akuzën e korrupsionit pasiv deri në 12 vjet burg dhe për akuzën e pastrimit të produkteve të veprës penale deri në 10 vjet burg.

“Kontrollet e banesës kanë krijuar dyshimet se kemi veprën penale të korrupsionit pasiv dhe mosdeklarimit të pasurisë. Ka dy paragrafë; me gjobë deri në 6 muaj burg dhe një tjetër deri në 3 vite burg – akuza e mosdeklarimit të pasurisë. Akuza e korrupsionit pasiv lidhet direkt me inceneratorët dhe dhurata që janë pranuar nga Ahmetaj të dhëna nga Zoto, dënimi për këtë akuzë është nga 4-12 vjet burg. Akuza e tretë është akuzë që duhet të mbështetet në dy akuzat e para, nëse verifikohen të parat hyn në lojë akuza për pastrimin e produkteve të veprës penale 5-10 vjet burg”, tha avokati.

LEXONI GJITHASHTU:

• Kërkesa në Kuvend për arrestimin e Ahmetaj, vjen reagimi i parë nga PD
• “Arben Ahmetaj nuk e pranon burgun”! Hoxha: Mund të kërkojë azil