‘Balla nuk është i korruptuar’, Ngjela: Pas Ahmetajt, SPAK do kalojë nga e djathta

Avokati Spartak Ngjela komentoi dekretimin e Taulant Ballës nga Presidenti si Ministër i Brendshëm.

Në një intervistë për Euronews Albania, ai theksoi se Balla nuk është i korruptuar.

Ngjela u ndal sërish te SPAK duke thënë se ky institucion tashmë do kalojë nga e djathta duke lënë të nënkuptohet se do të ketë arrestime dhe nga opozita.

“Balla ishte në karrierë prej kohësh që të ishte Ministër i Brendshëm, por e lanë nën hije. Ka një gjë, Balla nuk është i korruptuar. Opozitë deri tani në Shqipëri do të thotë gënjeshtër.  Jo çdo gjë është provë. Mendoj se SPAK tani do fillojë punën djathtas, sepse Rama nuk mund të arrestohet. SPAK e drejton SHBA.   Skema amerikane me SPAK kërkoi dhe kërkon që të shpëtojë Shqipërinë nga krimi i organizuar dhe nga korrupsioni. SPAK deri më tani është marrë me shtresa të ulëta.  Për Ahmetajn do shohim votat në Kuvend, nëse mbrohet në Kuvend, kot sa lodhet SPAK”- tha ai.

LEXONI GJITHASHTU: 

• Nga Bushati te Kurtezi, Presidenti Begaj dekreton ambasadorët e rinj
• Kërkesa për arrestimin e Ahmetajt, Ngjela: Person me pushtet në PS, Rama s’ka dorë