“Nuk do e hiqja kurrë Çuçin për Ballën”, Nikollë Lesi: Akuzat ndaj tij janë të rënda

Gazetari Nikollë Lesi ishte këtë të martë i ftuar në Euronews Albania për të folur për dy nga ngjarjet e rëndësishme të kohës së fundit, kërkesa e SPAK për të arrestuar ish-zëvendës kryeministrin Arben Ahmetajn dhe për shkarkimin e Bledi Çuçit nga posti i ministrit të Brendshëm.

Lesi tha se Ministria e Brendshme prej kohësh ka qenë një ministri problematike pasi ajo ka gjithçka në dorë dhe ministrat e kanë të vështirë të mos përfshihen, megjithatë ai tha se Çuçi mbetet nga ministrat më të mirë që ka pasur këtë post.

“Të heqësh Bledi Çuçin dhe të vësh Taulant Ballën ministër të Brendshëm, nuk shkon”, tha Nikollë Lesi. Ndërsa shtoi se po të kishte qenë vetë deputet i mazhorancës nuk do e kishte votuar emërimin e tij.

“Flitej se kishte kohë që e ëndërronte këtë post, por fakti që shkon Ministër i Brendshëm në një ministri që është shumë problematike në luftën ndaj krimit dhe akuzat janë pak të rënda ndaj Ballës. Të heqësh një intelektual si Bledi Çuçi dhe të vësh Taulant Ballën për mua nuk shkon. Po të isha deputet në parlament i mazhorancës, nuk do e votoja. Akuzat janë akuza, por unë një ministër të brendshëm me akuza të tilla nuk do e pranoja”,-tha Nikollë Lesi.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• “Ahmetaj, lab i hidhur”- Lesi: Nëse flet shkakton skandal të madh dhe shpëton
• Seanca për Butrintin| Kushtetuesja rrëzon kërkesat e Ina Zhupës, pranon vetëm njërën