Plazh në Pogradec, pushues vendas dhe të huaj të kënaqur me çmimet dhe shërbimin

Qyteti liqenor i Pogradecit është duke përjetuar ditët më të mira të tij sa i përket vizitorëve, qofshin ata vendas apo të huaj.

Bregu i liqenit është i mbushur me pushues që kanë zgjedhur Pogradecin si destinacion turistik.

Euronews Albania pyeti disa nga pushuesit lidhur me çmimet dhe cilësinë e plazhit.

“Shumë mirë, ne jemi vendas. Jetojmë në Tiranë, por vijmë këtu për pushime, vendin tonë nuk e lëmë. Shumë pastër, shumë mirë, edhe çmimet në krahasim me qytetet e tjera janë mirë,” – tha një zonjë.

“Për herë të parë bashkia ka vënë çadra falas. Këtu ku jemi deri te 1 Maji janë 5-6 plazhe publike. Ka e të tjera. Nuk ka çadra beze, por kashte. Fantastike, qetësi e mrekullueshme,” – tha një qytetar.

Afro 85% e hoteleve janë të rezervuara për muajin Gusht, ndërkohë qe sezoni turistik pritet të zgjatet edhe në shtator, për shkak edhe të kushteve premtuese të motit.

LEXONI GJITHASHTU:

• Sekuestrohet arsenal armësh e municioni luftarak në Pogradec, në pranga 40-vjeçari
• Hapet plazhi i dedikuar për personat me aftësi të kufizuara në Pogradec