Asnjë rezultat për reformën zgjedhore, partitë nuk arrin të ulen në tryezë

Reforma Zgjedhore nuk arriti të gjente dakordësinë gjatë këtij sesioni parlamentar. Përvec retorikës politike, mes palëve mungoi vullenti për t’u ulur në tryezë e për të diskutuar për ndryshime në kodin zgjedhor.

Kur na ndajnë më pak se dy vite nga zgjedhjet e ardhshme parlamentare, Partia Socialiste dhe ajo Demokratike ende nuk kanë adresuar rekomandimet e OSBE/ODIHR pas zgjedhjeve të prillit 2021.

Pavarësisht se ende nuk kanë ndërmarrë asnjë veprim konkret, në seancën e fundit plenare nuk munguan deklaratat politike nga të dyja palët të cilat kishin qëndrime të ndryshime sa i takon shtyrjes së afatit të komisionit të reformës zgjedhore.

Edhe në parlament vonesën në mospëparimin e punës së komisionit palët ja adresuan njëra-tjetrës.

“Nuk ka asnjë shkak të arsyeshëm për të shtyrë shtyrë shtyrë pafund komisionin e reformës zgjedhore. Në 6 muaj shtyrje në shkurt komisioni nuk është mbledhur asnjë edhe një ditë”, deklaroi Gazment Bardhi.

Nga ana tjetër Sekratari i Partisë Socialiste Damian Gjinkuri ia faturoi arsyet e shtyrjeve mosmarrëveshjeve të opozitës.

“Komisioni nuk mund të rri peng i mosmarrëveshjeve që janë brenda opozitës. Opozita me të gjitha ngjyrat dhe rrymat e saj është përfaqësuar aty. Aktiviteti pse nuk është bërë, po sepse ju nuk merreshit vesh me njëri-tjetrin, me kë të bëhej aktivitet”, tha Gjiknuri.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Rrogozhina voton të dielën, zgjedhjet në këtë bashki mbahen për herë të dytë
• Kalojnë në Kuvend tre ligjet e debatuara, 3 socialistët që abstenuan për kanabisin