Megaoperacioni i SPAK/ Hoxha ngre dyshime: Pse po e mbajnë hermetike për avokatët?

Avokati Arbër Hoxha ngriti dyshimin se për sa kohë çështja e personave të arrestuar nga megaoperacioni i SPAK po mbahet hermetike edhe nga avokatët atëherë prokuroria po fsheh diçka.

I ftuar në emisionin “Review” në Euronews Albania ai tha se mund të ndodh edhe që prokuroria të mos ketë prova të mjaftueshme për arrestimin e këtyre personave, por e ka ngritur çështjen në bazë të disa indicieve paraprake. Sipas tij kjo nuk do të ishte hera e parë që prokuroria të veprojë  në këtë formë.

“Ndonjëherë Prokuroria e Posaçme e ka ngritur çështjen mbi bazën e disa indicieve të caktuara dhe më pas është detyruar ta pushojë sepse nuk shkon dot deri te barra e provës e më pas të kërkojë dënimin. Të caktosh një masë sigurimi është një gjë e të kërkosh dënimin e një personi duhen një tërësi provash.

Avokatët e mbrojtjes mund të bëjnë kallëzime penale për shpërdorim detyre, në rast se besojnë se gjykatat po behën shkelje. Fakti që po e mbajnë kaq hermetike për avokatët ndërkohë që dalin në gjithë portalet e ndryshme do të thotë se Prokuroria e Posaçme fsheh diçka. Kjo nuk do ishte as hera e parë e as e fundit që gjykata shkel të drejtat”,-tha avokati Arbër Hoxha.

LEXONI GJITHASHTU:

• Rriten deri në 54% çmimet e referencës për Tiranën, zona e bllokut më e shtrenjta
• Tkurret ekonomia gjermane, parashikohet të humbë 0.3% të GDP-së