Botërori i femrave| “Luaneshat” mbërrijnë në finale, britaniket mposhtën Australinë

Angli-Spanjë do të jetë finalja e botërorit të femrave, i cili po zhvillohet përgjatë muajit gusht. Pas iberikeve të cilat siguruan të parat biletën për në finalen e madhe, tashmë ishte radha e Anglisë, e cila mposhti në gjysmëfinale Australinë organizatore.

 Luaneshat zhvilluan një ndeshje të jashtëzakonshme në gjysmëfinalen me Australinë, ndërsa arritën të gjejnë golin në pjesën e parë me Tune.

Në pjesën e dytë ishte ylli i Chelsea, Simona Kerr e cila solli barazpeshën, duke kthyer disi sigurinë tek Australia. Në minutat në vijim Hemp dhe Russo shënuan nga një gol, duke vulosur kështu triumfin 3-1, në favor të Anglisë e duke siguruar kështu finalen e madhe.

Në stacionin e fundit, pengesa është edhe më e madhe, e bëhet fjalë për Spanjën. Iberiket mposhtën në gjysmëfinale Suedinë me rezultatin 2-1, ndërsa protagonistja kryesore ishte Abeleila.

SHBA-të janë rekordmenet e kompeticionit, ku kanë arritur ta fitojnë 4 herë, 2 Gjermania dhe nga 1 edicion të fituar Norvegjia e Japonia. Finalja do të zhvillohet në Sidnej më 20 gusht, ndërsa ndeshja për vendin e tretë mes Australisë e Suedisë, luhet mëngjesin e një dite më parë.

LEXONI GJITHASHTU:

• Superkupa e Evropës/ Sevilla sfidon kampionët e Guardiolës, Greqia pret finalen
• Vazhdojnë luftimet e ashpra, Ukrainasit rimarrin fshatin strategji