Do përfitojë tregu vendas nga nafta në Shpirag? Përgjigjet Rama: Qielli është kufiri

Kryeministri Edi Rama tha në konferencë për mediat se zbulimi i naftës në malin e Shpiragut do të sjellë ndryshime në ekonominë e gjithë shqiptarëve.

I pyetur nëse do të përfitojë tregu vendas nga kjo, Rama tha se është ende herët për të folur, pasi ende ka shumë punë për t’u bërë, por ai shtoi se nëse gjithçka shkon si duhet Shqipëria do të futet në një moment që e kemi ëndërruar prej kohësh.

Ai tha se “mes makinë dhe naftës” është një system i tërë industrial e do duhet kohë që gjërat të marrin drejtimin e tyre, por kur kjo të ndodhë “kufiri do të jetë qielli”, tha Rama.

Kjo është një temë komplekse. Jo më larg se mbrëmë isha me një grup investitorësh të huaj të cilët kur dëgjuan që Shqipëria nuk ka asgjë tjetër për një përdorues makine veç tarifës së regjistrimit dhe çmimit të naftës, mbetën pa fjalë.

Në të gjitha vendet e tjera ka të tjera gjëra,. Është në çmimin e secilit se sa naftë konsumon dhe në bazë të çmimit paguan, por nuk kanë taksa të tjera. Midis naftës dhe makinës është një sistem i tërë industrial, nëse nuk i ke këto dhe këto nuk ndërtohen në një ditë, për të rindërtuar dhe për të vënë gjërat në shina nuk është një ditë.

Pasi të bëhen të gjitha këto sigurisht që po, pasi në momentin që ne disponojmë një pasuri të tillë ne kemi në dorë edhe atë që sot nuk e kemi dhe nuk e ka asnjë shtet që nuk e ka këtë pasuri të tillë, influencën mbi çmimin. Nga ana tjetër, ne trashëguam një rafineri, që ishte një mbetje e të shkuarës dhe nuk kishte më asnjë mundësi për të prodhuar asgjë për ekonominë tonë.

Duke hyrë në këtë klub, atëherë patjetër që qielli është kufiri dhe hapja dhe ndërtimi I kapaciteteve përpunuese është pjesë e planit tonë. Kjo do të thotë se Shqipëria do vijë në atë moment që ne e kemi ëndërruar pre shumë kohësh e për shumë kohë ne nuk guxonim as ta shprehnim”, tha Rama.

LEXONI GJITHASHTU:

• Kërkimet për naftë në fushën e Dumresë/ Rama: Kemi të dhëna optimiste
• Pasuria e Shpiragut, Rama: Do krijohet fondi sovran, mbështetje dhe për pensionistët