Beleri transferohet në Durrës, lë mjediset e spitalit të burgut

Kryebashkiaku i zgjedhur i Himarës, Fredi Beleri i arrestuar për shit-blerje votash, është transferuar në paraburgimin e Durrësit.

Beleri deri më tani mbahej në spitalin e burgut për shkak të gjendjes shëndetësore ndërsa gjykatat i kanë refuzuar disa herë një masë më të butë sigurie.

Bashkë me të, në Durrës është transferuar edhe ish-kryebashkiaku i Bulqizës, Lefter Alla i cili gjithashtu mbahej në spitalin e burgut.

Në paraburgimin e Durrësit përveç Belerit e Allës qëndrojnë të izoluar edhe ish-zyrtarë të tjerë të arrestuar për korrupsion, shpërdorim detyre apo pastrim parash si sh-ministri i Mjedisit Lefter Koka dhe ish-deputeti dhe ish-kryebashkiakët  Vangjush Dako e Safet Gjici.

LEXONI GJITHASHTU:

• Ministria e Jashtme greke: Vendimi për Belerin, në kundërshtim me ligjin
• Paralajmërimi i ministrit grek: Bllokojmë financimet nga BE nëse nuk betohet Beleri