Makina u përplas “kokë më kokë” me motorin, detaje nga aksidenti tragjik në Ksamil

Një aksident tragjik me dy humbje jete e dy të plagosur ka ndodhur në orët e para pas mesnatës në aksin Sarandë-Ksamil.

Një makinë tip Mercedes benz  e drejtuar nga një 17 vjeçar me inicialet E.R., që ishte me drejtim lëvizje Sarandë -Ksamil është përplasur me një motor i cili po shkonte nga Ksamil i në Sarandë.

Policia bën me dije se në motor ndodheshin dy turistë italianë të cilët kanë humbur jetën në vendngjarje.

Ndërkohë 17-vjeçari dhe një pasagjer 16-vjeçar që ndodhej në makinë me të kanë mbetur të plagosur dhe u dërguan në spital për të marrë ndihmën e nevojshme mjekësore.

Njoftimi i policisë

Rreth orës 03:00 të datës 24.08.2023, në aksin rrugor Sarandë-Ksamil, në vendin e quajtur “Hidrovor”, automjeti tip “Mercedes Benz”, me drejtues shtetasin E. R., 17 vjeç, është përplasur me një motomjet tip “Honda”.

Si pasojë e përplasjes kanë humbur jetën shtetasi italian D. G., 24 vjeç dhe një shtetas tjetër, ende i paidentifikuar, që udhëtonin me motomjetin tip “Honda”.

Drejtuesi i automjetit, shtetasi E. R. është dërguar në spital, bashkë me shtetasin M. R., pasagjer në automjet.

Grupi hetimor po punon për sqarimin e rrethanave të aksidentit.

LEXONI GJITHASHTU:

• Rusia godet Dnjeprin në Ditën e Pavarësisë së Ukrainës, luftimet vazhdojnë
• VIDEO| Momenti i rrëzimit të avionit me të cilin udhëtonte Prigozhin