Benzema tremb tifozët, francezi i pakënaqur tek Al Ittihad, mendon largimin

2 muaj më parë Karim Benzema transferohej tek skuadra e Al Ittihad në Arabinë Saudite duke i dhënë lamtumirën Realit të Madridit, pas plot 14 vitesh.

Francezi u prit nga afro 60 mijë të pranishëm në stadium, duke i dhuruar një mikpritje madhështore, por duket se e gjithë kjo nuk mjafton për ta bindur 35-vjeçarin të qëndrojë.

Mediat franceze pohojnë se Karim Benzema është i pakënaqur në Arabinë Saudite, ndërsa po mendon seriozisht largimin nga skuadra. Fituesi i Topit të Artë ka marrëdhënie të tensionuara me teknikut Nuno Espirito Santos, ndërsa nuk preferohet nga ky i fundit. Sulmuesi është i pakënaqur dhe nga skemat e aplikuara prej tij, ndërsa sheh si zgjidhje largimin. Portugezi e ka kundërshtuar që në fillim afrimin e bomberit francez, duke e cilësuar si jo të denjë për skuadrën.

Shiriti i kapitenit po ashtu është një tekë e paplotësuar, e cila ka krisur edhe më tej marrëdhëniet mes palëve, ndërsa nënshkrimi i Jota nga Celtic nuk u prit mirë nga tekniku. Vetë skuadra e Al Ittihad ka pohuar se konflikti nuk ekziston, me Benzemanë që luajti si titullar në përballjen ndaj Rihad, ku arriti të gjente dhe rrugën e rrjetës.

LEXONI GJITHASHTU:

• Benzema: Zgjodha Arabinë Saudite sepse jam mysliman
• Kontratë 200 milionë euro në sezon, Benzema: Më bindi Ronaldo për në Arabi