Interi poker Fiorentinës. Zikaltrit në krye të tabelës, Juventusi mposht Empolin

Kampionati Italian ka dhuruar spektakël në 3 javët e para, ndërsa vetëm dy ekipe kanë arritur të grumbullojnë pikë të plotë. Interi dhe Milani kanë aktualisht nga 3 fitore, ndërsa në javën e katërt, vetëm njëra prej tyre e ka mundësinë për 3 pikë, kjo për faktin se luhet derbi i Madoninës.

Zikaltrit morën një fitore të madhe të dielën me rezultatin 4-0 ndaj Fiorentinës. Thuram, Calhanoglu dhe një dopietë e Lautaros sollën triumfin për të besuarit e Simone Inzaghit.

Në vendin e dytë në tabelë renditet Milani e me radhë Juventusi, Lecce, Atalanta dhe Napoli. Bardhezinjtë po ashtu kanë reaguar në këtë sezon të ri, duke rrëmbyer një tjetër fitore, ndaj një kundërshtari si Empoli. Danilo dhe Chiesa ishin autorët e golave, ndërsa për tu përmendur është dhe penalltia e pritur nga portieri Etrit Berisha ndaj Vlahovic.

Në dy përballjet e tjera që përmbyllën javën e tretë në Itali, Torino fitoi minimalisht ndaj Genoas, ndërsa ndërsa Lecce mposhti në shtëpi Salernitanën.

LEXONI GJITHASHTU: 

• Zeka komenton vizitën e Osmanit: Në 120 vite Tirana e Prishtina s’kanë qenë më keq
• “Budizmi, kontribut për paqen”, Papa Françesku vijon vizitën në Mongoli