Kundërpërgjigje ndaj Bashës? Bardhi e Berisha njoftojnë datën e mbledhjes së radhës

Deputetë e PD nën drejtimin e Sali Berishës dhe Gazmend Bardhit kanë lajmëruar mbledhjen e radhës të përbashkët, që do të zhvillohet ditën e mërkurë, më datë 13 shtator 2023, ora 13:00, në sallën e mbledhjeve të grupeve parlamentare, në Kryesinë e Kuvendit.

Kjo mbledhje pason atë të disa ditëve më parë, ku grupi Bardhi dhe grupi Berisha ranë dakord të ndjekin një axhendë të përbashkët parlamentare.

“Vendimi i parë që morëm është padyshim rikonceprimi i detyrave dhe përbërjes së komisionit zgjedhor. Do paraqesim në nisje të sesionit ngritjen e tre komisioneve hetimore, për koncesionet PPP dhe problematika në shëndetësi, çështja e dytë ka të bëjë me të dhëna personale të qytetarëve, çështja e patronazhistëve dhe dyshimet për ndërhyrje në sistemin TIMS, dhe së treti jemi njohur me të dhëna sesi zyrtarë publike në konflikt interesi marrin vendime për të pasuruar familjarë dhe miq, dhe komisioni do jetë i fokusuar në shpërdorimin e detyrave”, – deklaroi Bardhi pas mbledhjes së parë.

Në të njëjtën datë, më 13 shtator, kryetari i PD, Lulzim Basha do të mbledhë kryesinë dhe kolegjin e kryetarëve.

LEXONI GJITHASHTU:

• BF çel fushatën në Kukës, Berisha dhe Meta krah njëri-tjetrit
• Analisti: Nëse Berisha bëhet kryeministër nuk ulet dot në tryezën e NATO-s