Ekspertja e turizmit: Pagova 150 € nata në Jug, nuk më pëlqeu ushqimi i mëngjesit

Ekspertja e turizmit Gladiola Dona, foli në lidhje me turizmin në vendin tonë.

Në një intervistë për emisionin “Good Morning Albanians” në Euronews Albania, ajo theksoi se përshtypja e parë është shumë e rëndësishme kur shkon diku, ndërsa tregoi dhe eksperiencën e saj personale.

Ajo theksoi se pagoi 150 euro natën në hotel, me mëngjes, por që ushqimi i mëngjesit nuk i pëlqeu.

“Këtë vit u ankova për bufenë e mëngjesit, hoteli ishte shumë i mirë, shumë vite në treg. Mëngjesi është shumë e rëndësishme. Përshtypja e parë kur shkon diku është shumë e rëndësishme. Ne ishim familje dhe ishte 150 euro nata, vetëm me mëngjes. Është një çmim midis të mesmes dhe të lartës”-tha ajo.

LEXONI GJITHASHTU: 

• Nutricionisti: 8 mijë shqiptarë vdesin në vit nga kequshqyerja
• “Na quajti “plehra” e “mizerje”- gazetari denoncon pronarin e hotelit në Drimadhes