Zbulohet rajoni që Rusia e kërkon me ngulm/ NATO në super stërvitje, flet analisti

Analisti Artur Meçollari, foli në lidhje me stërvitjen ushtarake që do të zhvillohet nga NATO.

I ftuar në Euronews Albania, ai theksoi se është një stërvitje që synon të testojë kapacitetet e NATO-së ndaj një sulmi të mundshëm kundër një vendi anëtari të NATO-së.

Gjithashtu ai nënvizoi se stërvitja ka dhe objektiva politike.

“Stërvitja ka një objektiv të qartë. Nga pikëpamja ushtarake stërvitja që zhvillohet në vitin tjetër është e qartë. Ajo është një stërvitje që synon të testojë kapacitetet e NATO-së ndaj një sulmi të mundshëm kundër një vendi anëtari të NATO-së. Nga pikëpamja ushtarake teston kapacitetin, ndërveprimet detare, ujore, shikon mundësinë se cila është nevoja për rritjen e kapaciteteve.

Bëhet fjalë për 14 vende, mbi 30 anije, mbi 32 mijë forca të 14 vendeve. Shikohet se si funksionojnë doktrinat. Pra ka një kompleks të gjerë bashkëpunimi me institucionet e tjera ushtarake. Ka objektiva që duhet të studiohen dhe në fund të nxirren konkluzione të saja. Por ka dhe objektivat politike. Pra ti tregohet Rusisë që vërtetë ke qëllim që të sulmosh një vend të NATO-së, por nuk do ta kesh të lehtë. Një nga objektivat e tjerë, është dhe shkurajimi i kundërshtarit dhe rritja e besimit te forcat e tona aleate”-tha ai.

LEXONI GJITHASHTU: 

• Kërcënimet kibernetike/ Igli Tafa: Të gjitha kërcënimet monitorohen në kohë reale
• Megaoperacioni “Tempulli”/ Në Berat u arrestuan 4 persona, ja çfarë u sekuestrua