Ballkani synon fitoren ndaj Plzen, luhen 31 përballje në Conference e Europa League

Ballkani kërkon ta nisë mbarë rrugëtimin në Ligën e Konferencës, ndërsa mbrëmjen e kësaj të enjteje përballet në transfertë me Victoria Plzen. Të besuarit e Ilir Dajës vijnë me një formë pozitive në këtë përballje, ndërsa vuajnë mungesën e dy futbollistëve.

Edhe në kampion çek atmosfera është e mirë, me Plzenin që ka 5 fitore radhazi. Vendësit cilësohen favoritë absolutë, por Ballkani ka treguar se mund të bëjë mirë dhe në arenën Evropiane, ndërsa kujtojmë se dy përballejt e radhës në Conference League i luan në shtëpi, ndaj një pikë në transfertë do të cilësohej nisje e mbarë.

Europa League po ashtu nis rrugëtimin me 16 përballje, ku nuk mungojnë emrat e mëdhenj të futbollit në Evropë. Liverpooli i cili konsiderohet ndër favoritët për fitimin e kompeticionit do të përballet me Lask në transfertë, ndërsa vuan mungesën e dyshes Thiago-Alexander Arnold. Në 5 përballjet e fundit në kampionat Liverpool ka 4 fitore dhe 1 barazim. Përballja tjetër në këtë grup është ajo mes Royal Union dhe Toulouse.

Finalistët e sezonit të shkuar, Roma synon të vijojë një tjetër rrugëtim pozitiv, ku ndeshja e parë është në transfertë me moldavët e Sheriff. Vendësit nuk duhen nënvlerësuar, pasi më parë kanë treguar se nuk tremben ndaj skuadrave të mëdha. Mungesat mbeten një problem për Mourinhon, por fitorja është objektivi i vetëm.

LEXONI GJITHASHTU:

• Fitorja e Shqipërisë, Armand Duka: Sylvio, trajneri më i mirë që ka pasur Kombëtarja
• I përjashtuar nga kombëtarja, Gjermania rikthen kampionin e botës