Kosova në zi, ish-kreu i LVV: Akt lufte i pastër, i sponsorizuar nga Serbia

Ish-kreu i Lëvizjes Vetëvendosje, Bojken Abazi shprehu ngushëllimet e tij për familjen e policit të Kosovës që u vra në veri të vendit nga terroristët serbë.

Në një intervistë për “Noë me Erla Mëhillin” në Euronews Albania, ai deklaroi se çfarë ndodhi të dielën ishte një akt lufte i pastër dhe i sponsorizuar.

“Është pikëlluese që më shumë se dy dekada pas lufte prapë duhet që Kosova të mbrohet me gjak nga sulmi i pandërprerë i një Serbie që është e papenduar për gjenocidet ciklike që ka kryer aty dhe vazhdon me akte lufte të cenojë integritetin territorial të Kosovës. Ky ishte një akt lufte i pastër, për bindjen time të thellë, është zhvilluar përmes një aksioni terrorist të sponsorizuar, organizuar, financuar, frymëzuar drejtpërdrejt nga Beogradi zyrtar dhe Vuçiçi, siç po nxjerrin dhe faktet të nxjerra një pas një, të bëra publike nga qeveria dhe policia e Kosovës,” – u shpreh Abazi.

LEXONI GJITHASHTU:

• Sulmi ndaj policisë së Kosovës në Veri, reagon Ministria e Jashtme e Rusisë
• Homazhe në Durrës për policin e Kosovës të vrarë nga serbët