Takimi Berisha-Bardhi, 28 deputetë të pranishëm, mungon Tabaku. Çfarë u diskutua

Ka zgjatur për rreth 1 orë mbledhja e deputetëve të Partisë Demokratike, mbështetës grupimit të Sali Berisha dhe Gazment Bardhit.

Në këtë mbledhje morën pjesë 28 deputetë, ndërsa gazetari Ardit Hoxha bën me dije se mungon deputetja Jorida Tabaku. Nuk dihet arsyeja se pse kjo e fundit mungon.

Në fokus të mbledhjes janë disa çështje kryesore, ku prevalon diskutimi për Kosovën si dhe të miratohet një rezolutë që PD ka dorëzuar në Kuvend. Mbetet për t’u parë nëse Kuvendi do të dalë me një rezolutë të përbashkët, pra PS dhe PD për çështjen e Kosovës.

Në mbledhje gjithashtu po diskutohet për ngritjen e komisioneve hetimore parlamentare, dy prej të cilave janë rrëzuar, si ajo e tenderave për shëndetësinë dhe ajo për sistemin TIMS.

LEXONI GJITHASHTU: 

• Me kanabis dhe shkop bejsbolli me vete, arrestohet 19-vjeçari në Kukës
• Mori peng vajzën 9-vjeçare, autori “i bën gropën vetes”, dërgon letër te familja