Deputetja e PD: Opozita e vërtetë ajo e njerëzve të thjeshtë, jo aleanca e kullave

Deputetja e Partisë Demokratike Orjola Pampuri ka reaguar pas takimit të katërt mes deputetëve mbështetës të Gazment Bardhit dhe Sali Berishës të martën te Kryesia e Kuvendit.

Përmes një postimi në faqen e vet në Facebook, deputetja që mbështet Lulzim Bashën shprehet se opozita e vërtetë është ajo që lufton për hallet e qytetarëve, “jo aleanca e kullave dhe e non gratave nuk do ta mbajë dot peng PD dhe demokratët”.

“Natën marrin leje ndërtimi nga Edi Rama për kullën 64 kate, dhe ditën dalin e sulmojnë PD për llogari të Edi Ramës. Opozita e vërtetë është ajo që lufton për hallet e qytetarëve dhe jo ajo e oligarkëve të përbashkët që i mban dhe i financon! Opozita e vërtetë janë ata që çdo ditë janë pranë qytetarëve, dhe jo opozita e kullave dhe e marrëveshjeve të fshehta! Opozita e vërtetë është ajo e njerëzve të pastër, që të vetmin pakt e kanë me qytetarët, të tjerët që kalkulojnë se ku do të jenë në 2025, le të marrin përsipër dhe kusuret. Aleanca e kullave dhe e non gratave nuk do ta mbajë dot peng PD dhe demokratët”, shprehet Pampuri.

LEXONI GJITHASHTU:

• Bardhi ftesë Bashës: Të përkrahë ngritjen e komisioneve hetimore
• Berisha pas mbledhjes me grupin e Bardhit: Rama kërkon të na emërojë përfaqësuesin