“I erdhi goja memecit”, Spiropali – Bashës dhe Berishës: Zgjidhni hallet e shtëpisë

Elisa Spiropali tha në seancën e sotme planeare se demokratët para se të vijnë në parlament për të zgjidhur hallet e Shqipërisë, duhet të shikojnë hallet e shtëpisë së tyre.

Duke ironizuar përplasjet mes opozitarëve Basha, Bardhi dhe Berisha, ajo tha se “memecit i paska ardhur goja” duke iu referuar kështu kreut të Partisë Demokratike, Lulzim Bashën.

“Sot më kujtuat një film socio-realist, ku disa divversantë dhe sigurimsa merren me njëri tjetrin se kush është armiku e tradhtari dhe Sali, doktor, do ishte shumë e përshtatshme ajo shprehja “memecit i erdhi goja”. Në këtë rast do ishte zotit Lulzim i erdhi goja në Kuvend dhe i erdhi hidhur sepse nuk mundet që në këtë foltore të merret me kryetaren e kuvendit me Kuvendin e Shqipërisë me rregullat e me Kushtetutën, kur hallin nuk e ka as te kushtetuta as te Kuvendi por e ka te shtëpia e tij.

Nuk mundet që nga kjo foltore të më heqë fjalën as doktori. Tentativa për të krijuar një narrativë me heronjë dhe tradhëtarë me të shitu dhe të blerë është narrativa më e rrezikshme dhe më e dëmshme për Kosovën. E keni traditë të shëmtuar këtë dhe nuk ka gjë më të dëmshme që për interesa të partisë të vini në lojë Shqipërinë dhe Kosovën e fusni i si dëm kolateral në këtë mes. Ka ksush i del për zot Shqipërisë dhe Kosovës. Zgjidhni hallet e shtëpisë e më pas me ato të Kosovës dhe Shqipërisë”,-tha Elisa Spiropali.

LEXONI GJITHASHTU:

• Berisha: Urgjent debat për deklaratën e Ramës për Kosovën, ishte anti-shqiptare
• Bardhi kërkesë Kuvendit: Të rishikohet përbërja e Komisionit të Reformës Zgjedhore