Vaksinat ruse e kineze në Serbi, Brnabic: Vaksinat çështje shëndetësore dhe jo gjeopolitike

Serbia është shteti i dytë në Evropë pas Britanisë së Madhe që ka procesin më të shpejt të vaksinimit. Beogradi ka nisur vaksinimin edhe me vaksinat ruse dhe kineze. 

Kandidat për të qenë pjesë e unionit dhe me lidhje të forta me Rusinë, Beogradi shprehet se konsideratat gjeopolitike nuk duhet të jenë një faktor vendimtar.

“Serbia ishte nga të paktat shtete që e pa blerjen dhe shpërndarjen e vaksinave si një çështje gjeopolitike, mendoj se për këtë arsye jemi të suksesshëm.  E vetmja gjë e rëndësishme për ne është që vaksina të jetë e sigurt dhe efektive. Dhe mendoj se bota do të ishte krejt ndryshe  sot nëse çdokush  do t’i cilësonte vaksinat një çështje shëndetësore dhe jo gjeopolitike”, u shpreh Ana Brnabic.

Dhe nuk është vetëm çështje gjeopolitike. Perëndimi ka shfaqur shqetësime rreth sigurisë së vaksinës ruse Sputnik V, kryesisht sepse u prodhua shpejt dhe sepse Moska e ka promovuar gjerësisht.

“Ne e dimë se në Rusi shumë mjekë kanë refuzuar ta marrin vaksinën. Edhe presidenti rus nuk është vaksinuar me vaksinën ruse. Sondazhet e opinionet kanë treguar se qytetarët janë mosbesues në Rusi. Dhe unë mendoj se kjo pjesërisht sepse Rusia ka shitur dhe politizoi publicitetin e vaksinës së saj në gusht dhe shtator, i cili në periudhën afatmesme aktualisht uli besimin në efektivitetin e tij “, u shpreh Nicu Popescu.

Hungaria po ashtu ka autorizuar vaksinën ruse sputnik. E nëse agjencia evropiane e barnave e aprovon edhe të tjera shtetet të BE mund ta përdorin.

“Sapo një laborator kërkon të regjistrohet në Agjencinë Evropiane të Barnave, ai është studiuar pa parë kombësinë. E vetmja gjë që na duhet është të dimë nëse është efikase. Është  rasti i vaksinës ruse, ajo do të studiohet saktësisht në të njëjtën mënyrë  sikundër vaksinat e mëparshme” , tha Gabriel Attal.

E në këto kushte  kur vaksinimi po ecën me ritme të ulëta, BE është e dëshpëruar të përshpejtojë këtë proces.