Farmacitë e natës/ Toma: Mungon urdhri i ministrit për oraret

Shërbimi farmaceutik gjatë natës është thuajse inekzistent në vendin tonë. Janë fare pak farmaci të cilat qëndrojnë hapur pas orës 22.00 në një kohë kur ligji parashikon, shërbim 24 orë.

Në një intervistë për Euronews Albania presidentja e urdhrit të farmacistit, Diana Toma, shprehet se shkak është mungesa e urdhrit të ministrit të shëndetësisë që sipas ligjit përcakton oraret e farmacive.

 “Ne nuk kemi aktin themelor që duhet të prodhojë Ministria e Shëndetësisë, kur nuk të përcaktohet një orar kur nuk të përcaktohet rotacioni ca do kontrollosh, dhe ja ku jemi, çdo qytetare që ka nevojë për shërbim nate duhet ta hamendësoj”,- tha Diana Toma, presidente e urdhrit të farmacistit

Në këto kushte farmacitë, zgjedhin vetë orarin se kur duan të shërbejnë njëllojë si njësitë tregtare.

Shërbimi i natës i farmacive ka ekzistuar më herët në vendin tonë, ku farmacitë me anë të një rotacioni qëndronin hapur. Ky sistem ndiqet edhe nga vendet fqinje, të cilët e kanë të mbuluar të gjithë popullatën me shërbim farmaceutik në çdo moment të ditës apo natës.

LEXONI GJITHASHTU:

• Emigrimi i trurit, Shqipëria mes vendeve afrikane
• Protestë në ditën e samitit? Berisha: Europës t’i tregojmë të vërtetat e regjimit